இந்திய கிரிக்கெட் அணியின் முன்னணி சுழற்பந்து வீச்சாளரான ஹர்பஜன் சிங், உருக்கமான பதிவுடன் அனைத்து கிரிக்கெட் போட்டிகளில் இருந்தும் தனது ஓய்வு அறிவிப்பை வெளியிட்டுள்ளார்.
இந்திய கிரிக்கெட் அணியின் தலைசிறந்த சுழற்பந்து வீச்சாளராக திகழ்ந்தவர் ஹர்பஜன் சிங். அனில் கும்ப்ளேவுக்கு அடுத்தபடியாக இந்திய அணியில் பெரும் தாக்கத்தை கொண்டு வந்தவர்.
கடந்த 1998 ஆம் ஆண்டு இந்திய கிரிக்கெட் அணியில் ஒருநாள் போட்டியில் அறிமுகமான ஹர்பஜன் சிங், இதுவரை 417 டெஸ்ட் விக்கெட்கள், ஒருநாள் போட்டிகளில் 269 விக்கெட்கள் மற்றும் டி20 போட்டிகளில் 25 விக்கெட்களை கைப்பற்றி அசத்தியுள்ளார்.
எனினும் இவருக்கு கடந்த 2015 ஆம் ஆண்டு முதல் இந்திய அணியில் இடம்பிடிக்காமல் இருந்த ஹர்பஜன் சிங், ஐபிஎல் போட்டிகளில் மட்டும் விளையாடி வருகிறார். கொல்கத்தா நைட் ரைடர்ஸ் அணியின் முன்னணி வீரராக இருந்தபோதும், தற்போது அவருக்கு வாய்ப்புகள் குறைந்துவிட்டன.
கடந்த ஐபிஎல் சீசனில் முதல் பகுதியில் விளையாடிய ஹர்பஜன், 2வது பகுதியில் வாய்ப்பு கிடைக்காமல் இருந்தார். அவரின் ஃபார்ம் போய்விட்டதாக கூறி இளம் வீரர்களுக்கு வாய்ப்புகள் அதிகரித்து வருகிறது. இந்நிலையில் அனைத்து விதமான கிரிக்கெட் போட்டிகளில் இருந்தும் ஓய்வு பெறுவதாக ஹர்பஜன் சிங் அறிவித்துள்ளளார்.
இதுகுறித்து ஹர்பஜன் சிங் தனது ட்விட்டர் பதிவில், “அனைத்து நல்ல விஷயங்களும் ஒருநாள் முடிவு என்பது வரும். அந்தவகையில் எனக்கும் கிரிக்கெட் போட்டிகள் எனது வாழ்வில் மறக்க முடியாதது. கடந்த 23 ஆண்டு பயணத்தை மிகவும் அழகாகவும், மறக்கமுடியாத நினைவுகளை கொடுத்த அனைவருக்கும் நன்றி” என உருக்கமாக கூறியுள்ளார்.
