நாட்டுப்புற பாடகரான செந்தில் கணேஷ் சூப்பர் சிங்கர் நிகழ்ச்சியில் பங்குபெற்று டைட்டிலை கைப்பற்றி மிகவும் பிரபலமானவர். இந்நிகழ்ச்சியைத் தொடர்ந்து கோலிவுட் சினிமாவில் பின்னணிப் பாடகராக அவதாரம் எடுத்தார். அதன்பிறகு வாய்ப்புகள் குவியத்தொடங்கின.
சிவகார்த்திகேயனின் சீமராஜா திரைப்படத்தில் பாடி அசத்தினார். அதேபோல மனைவியுடன் சேர்ந்து அவர் பாடிய சின்ன மச்சான் பாடல் மிகவும் பிரபலமானது. இப்பாடலை பிரபுதேவா நடிக்கும் சார்லி சாப்ளின் 2 படத்திலும் பாடியுள்ளார்.
செல்லத் தங்கையா இயக்கத்தில் “கரிமுகன்” என்ற படத்தில் கதாநாயகனாக நடித்து வருகிறார். இப்படத்தில் செந்தில் கணேஷ் எலக்ட்ரீசியனாக நடிக்கிறார். செந்தில் கணேஷுக்கு ஜோடியாக காயத்ரி என்ற கேரளப் பெண் நடிக்கிறார். கரிமுகன் படத்தை இயக்கும் தங்கையாவே இசையும் அமைக்கிறார். இப்படத்தில் இரண்டு பாடல்களை செந்தில் பாடியிருக்கிறார்.
இப்படம் பற்றிப் பேசிய செந்தில் சூப்பர் சிங்கர் நிகழ்ச்சியில் கலந்துகொள்வதற்கு முன்பே சினிமாவில் பணியாற்ற வேண்டுமென திட்டமிட்டதாகக் கூறுகிறார். இதற்கு முன்னதாக செந்தில் கணேஷ் திருட போகாத மனசு என்ற படத்தில் நடித்துள்ளார்.
செந்தில் நடித்துவரும் கரிமுகன் திரைப்படம் குடும்பப் பொழுதுபோக்குச் படமாக தயாராகி வருகிறது. அவரின் சொந்த ஊரான புதுக்கோட்டை அருகில் ஒரு கிராமத்தில் வசிக்கும் கதாநாயகன் தன்னுடை குடும்பப் பிரச்சனையை தீர்ப்பதற்காக சென்னை வரும்போது நடக்கும் விஷயங்களே படத்தின் கதை எனக் கூறப்படுகிறது.
