இந்திய கிரிக்கெட் அணி கேப்டன் விராட் கோலிக்கு ஐசிசி அபராதமும் அபராத புள்ளியும் விதித்துள்ளது.
உலகக் கோப்பை தொடர் கடந்த மே 30ம் தேதி தொடங்கி ஜூலை 14ம் தேதி வரை இங்கிலாந்து & வேல்ஸில் நடைப்பெற உள்ளது. இதற்காக 10 அணிகள் தகுதி பெற்று ரவுண்ட் ராபின் முறையில் போட்டி நடைப்பெற்று வருகின்றது.
உலகக் கோப்பை தொடரின் 29வது லீக் ஆட்டத்தில் நேற்று இந்தியா – ஆப்கானிஸ்தானை எதிர் கொண்டது. முதலில் விளையாடிய இந்திய அணியின் கோலி 67, கேதார் ஜாதவ் 52 ரன்கள் உதவியால் 224/8 ரன்களை மட்டும் எடுத்தது. மற்ற பேட்ஸ்மேன்கள் மிகவும் மந்தமாக விளையாடியதால் குறைவான ரன்களை இந்தியா எடுத்தது.
தொடர்ந்து விளையாடிய ஆப்கானிஸ்தான் அணிக்கு பல பேட்ஸ்மேன்கள் நிதானமாக ரன்களை குவித்தனர். ஒரு கட்டத்தில் அந்த அணியின் முகமது நபி மிகச்சிறப்பாக ஆடினார். இறுதியாக ஆப்கானிஸ்தான் அணி 49.5 ஓவர் வரை சென்ற இந்த போட்டி முகமது ஷமியின் ஹாட்ரிக் மூலம் 11 ரன் வித்தியாசத்தில் இந்தியா வென்றது.
இந்த போட்டியின் போது ஆப்கானுக்கு எதிராக 2.4வது ஓவரை முகமது ஷமி ஹர்சதுல்லா சஹாக்கு வீசினார். அந்த பந்து ஹர்சதுல்லாவின் காலில் பட்டது. அம்பயர் அவுட் கொடுக்க மறுத்ததால் இந்தியா ரிவீவ் எடுத்தது. அதில் பால் ட்ராக்கில் ஒரு செமீ அளவிற்கு பந்து வெளியே பிட்ச் ஆகி இருந்தது. இதனால் 3வது அம்பயர் அவுட் கொடுக்க மறுத்துவிட்டார்.
இதைத் தொடர்ந்து பந்து கொஞ்சம் தான் வெளியே உள்ளது என அம்பயர் அலிம் தர்ரிடம் ஆக்ரோஷமாக முறையிட்டார் விராட் கோலி.
இது ஐசிசி கிரிக்கெட் விதி முறைப்படி தண்டனைக்குரிய குற்றமாகும். இதையடுத்து விராட் கோலிக்கு போட்டி சம்பளத்தில் 25% அபராதமாகவும், ஒரு ஐசிசி அபராதப் புள்ளிம் வழங்கியுள்ளது. ஏற்கனவே ஒரு அபராத புள்ளியுடன் இருக்கும் கோலி தற்போது 2 அபராத புள்ளிகளுடன் உள்ளார்.
அடுத்து ஏதேனும் சர்ச்சையில் அல்லது போட்டி விதியை மீறினால் கோலி 3வது அபராதப் புள்ளி பெறுவதோடு ஒரு ஒருநாள் போட்டியில் தடை செய்யப்பட வாய்ப்புல்ளதாக தகவல்கள் தெரிவிக்கின்றன.
