கேளிக்கை சினிமா

நடிகர் விஜய்யின் மாஸ்டர் சாதனையை முறியடித்த ‘கேஜிஎப்-2’

கேஜிஎப் 2 டீசர் 10 மணிநேரத்தில் 2 மில்லியன் லைக்குகளை பெற்று உலக அளவில் புதிய சாதனைப் படைத்ததுடன், விஜய்யின் மாஸ்டர் பட டீசர் செய்திருந்த சாதனையையும் முறியடித்துள்ளது.

இயக்குனர் பிரசாந்த் நீல் இயக்கத்தில் கடந்த 2018 ஆம் ஆண்டு வெளியாகி மாபெரும் வெற்றி பெற்ற திரைப்படம் கேஜிஎப். இதில் நடிகர் யாஷ் கதாநாயகனாக நடித்திருந்தார். இந்தியளவில் ரசிகர்களின் கவனத்தை ஈர்த்த இப்படம், நடிகர் யாஷுக்கு பரவலான ரசிகர்களை உருவாக்கித் தந்தது.

தற்போது கேஜிஎப் படத்தின் இரண்டாம் பாகம் உருவாகியிருக்கிறது. முதல் பாகத்தை விட இந்த இரண்டாம் பாகத்தை பிரம்மாண்டமாக உருவாக்கியுள்ளார் பிரசாந்த் நீல். இதில் பாலிவுட் நடிகர் சஞ்சய் தத் வில்லனாக நடித்துள்ளார்.

கேஜிஎப் 2 படத்தின் டீசர் நேற்று இரவு வெளியானது. அப்போதிலிருந்து யூடியூபில் பல்வேறு சாதனைகளை படைத்து வருகிறது இந்த டீசர். அதன்படி 24 மணி நேரத்தில் அதிக லைக்குகளை பெற்ற இந்திய திரைப்படத்தின் டீசர் என்ற சாதனையை கேஜிஎப் 2 படைத்துள்ளது.

இதற்கு முன் 1.85 மில்லியன் லைக்குகளை பெற்று மாஸ்டர் படம் முதலிடத்தில் இருந்த நிலையில், தற்போது கேஜிஎப் 2 டீசர் 10 மணிநேரத்தில் 2 மில்லியன் லைக்குகளை பெற்று அந்த சாதனையை முறியடித்துள்ளது.

100% இருக்கைகளுக்கு அனுமதி: தமிழக அரசின் முடிவுக்கு உயர்நீதிமன்றம் தடை

ஸ்பெல்கோ
ஸ்பெஷல் கரெஸ்பாண்டெண்ட் சமூகத்தின் மேம்பாடு வேண்டி திறந்த மனதுடன் உண்மையை தேடி விரும்பும் எழுத்தாளர்களின் சங்கம கூடலே splco.me. இது சமூக வலைதளத்தின் எழுத்தாளர்களின் கன்னி முயற்சியின் தொகுப்பு.