ஷங்கர் இயக்கத்தில் உருவாகியுள்ள 2.0 படத்திற்கான டிக்கெட்டுகளை அதிக விலைக்கு விற்றால் கடும் நடவடிக்கை எடுக்கப்படும் என்று நடிகர் ரஜினிகாந்த் எச்சரிக்கை விடுத்துள்ளார்.
இயக்குனர் ஷங்கர் இயக்கத்தில் சூப்பர் ஸ்டார் ரஜினிகாந்த் நடிப்பில் உருவாகியுள்ள படம் 2.0. அக்ஷய் குமார், எமி ஜாக்சன் ஆகியோர் பலர் நடித்துள்ளனர். லைகா நிறுவனம் தயாரித்துள்ள இப்படம் வரும் 29ம் தேதி திரைக்கு வரவுள்ளது. இந்த நிலையில், இப்படத்தின் ரசிகர் மன்ற காட்சிக்கான டிக்கெட்டுகளை யாரேனும் கூடுத்ல விலைக்கு வெளியில் விற்றால் அவர்கள் மீது கடுமையான நடவடிக்கை எடுக்கப்படும் என்று அகில இந்திய ரஜினிகாந்த் ரசிகர் மன்ற நிர்வாகி வி.எம்.சுதாகர் தெரிவித்துள்ளார்.
இது குறித்து அவர் வெளியிட்டுள்ள அறிக்கையில், “ரஜினிகாந்த் நடித்து வெளிவர இருக்கும் 2.0 படத்தின் ரசிகர் மன்ற காட்சி தொடர்பாக கீழே குறிப்பிடப்பட்டுள்ள அறிவுறுத்தல்கள் பின்பற்றப் பட வேண்டும்:
1. திரையரங்குகளில் ரசிகர் மன்ற காட்சி என்று பெறப்பட்ட டிக்கெட்டுகளை வெளியில் யாருக்கும் விற்கக் கூடாது.
2. ரசிகர்களிடம் இருந்து திரையரங்குகள் இருக்கைக்கு ஏற்ப நிர்ணயித்த கட்டணத்தைத் தவிர வேறு எந்தக் கூடுதல் கட்டணங்களையும் ரசிகர்களிடம் இருந்து வசூலிக்கக் கூடாது.
இதை மீறி செயல்படும் மன்ற நிர்வாகிகள் மீது தக்க நடவடிக்கை எடுக்கப்படும் என்பதை தெரிவித்துக் கொள்கிறோம்” என்று குறிப்பிட்டுள்ளார்.
