கொரோனா நோய் பரவுவதை தடுக்க பொதுமக்கள் கடைபிடிக்க வேண்டிய சமுக இடைவெளியை, ‘பீப்’ ஒலியுடன் அடை­யாளம் காட்­டும் தொப்பியை கண்­டு­பி­டித்துள்ளார் இந்­திய வம்­சா­வளி சிறுமி நேகா.

உல­கம் முழுவதும் கட்டுக்கடங்காமல் பரவும் கொரோனா வைரஸ் தாக்குதலுக்கு இதுவரை 2.5 கோடி பேர் பாதிக்கப்பட்டுள்ள நிலையில், 8,42,094 பேர் உயிரிழந்துள்ளனர். கொரோனா தொற்றை தடுக்க தடுப்பூசிகள் கண்டுபிடிக்கும் பணியில் உலக நாடுகள் தீவிரமாக ஈடுபட்டு வருகின்றன.

உலக நாடுகள் கொரோனா பரவலை தடுக்க சமூக இடைவெளியுடன், பொதுஇடங்களில் ஒருவருக் கொருவர் குறைந்­தது 6 அடி இடை­வெளியுடன் இருக்க வேண்டும் என்று வலியுறுத்தி வருகின்றன.

இந்நிலையில், அமெரிக்காவில் வசித்து வரும் இந்­திய வம்­சா­வ­ளியைச் சேர்ந்த 15 வய­து பள்ளி மாணவி நேகா ஷுக்லா, அறி­வியல் தொழில்­நுட்ப யுக்­தியில் புதிய தொப்பி ஒன்றை கண்டுபிடித்துள்ளார்.

குறைந்தது 6 அடி சமூக விலகலை கடைபிடிக்காமல், இந்த தொப்பியை அணிந்திருப்பவரிர் அருகில் வந்தால், தொப்பியில் இருந்து பீப் பீப் ஒலியையும், அதிர்வையும் ஏற்படுத்தி, தொப்பி அணிந்திருக்கும் நபரை எச்சரிக்கும். இதனால், மற்றவர்களிடம் இருந்து விலகி சென்று விடலாம்.

பொறி­யியல் மற்றும் தொழில்­நுட்­பத்தில் தனி ஆர்வமும் அக்­க­றையும் கொண்­டி­ருக்கும் நேகாவின் கண்டுபிடிப்பு, அமெ­ரிக்­காவில் நடை பெற்ற இளம் விஞ்­ஞா­னிகள், திற­மை­சா­லிகள் அறி­முகம் என்னும் நிகழ்ச்­சியில் அறிமுகப்படுத்தப்பட்டது.

இந்த கண்டுபிடிப்பு குறித்து கூறிய நேகா கூறுகையில், இந்த ‘சிக்ஸ் ஃபீட் அபார்ட் அலாரம் கேப்’ தொப்­பியின் உள்ளே அல்ட்ரா சோனிக் சென்சார், மைக்­ரோப்­ராசசர், பஸ்சர், 9 வோல்ட் பேட்­டரி ஆகி­யவை உள்­ளன.

பொது­ இடங்­களில் நமக்கும், அருகில் இருப்பவர்களுக்கும் இடையில் 6 அடி தூரம் இருப்­பதை உறுதிசெய்ய, இந்தத் தொப்பி லேசான அதிர்வை உண்டாக்கி, பீப்… பீப்… பீப்… என்னும் ஒலி­யை எழுப்பி எச்சரிக்கும் என்றார். இது பார்­வை­யா­ளர்­களின் பாராட்­டையும், வரவேற்­பையும் பெற்­றுள்ளது.

மேலும் வாசிக்க: ஸ்பானிஷ் ப்ளூ போன்று அல்லாமல் கொரோனா வைரஸ் 2 ஆண்டுக்குள் முடிவுக்கு வரும்- உலக சுகாதார அமைப்பு