சத்துணவு 2400 கோடிகள் ஊழல், அமைச்சர்கள் மீது தேசத் துரோக வழக்குப் பதிவு செய்து கைது செய்ய வேண்டும் : ஸ்டாலின்

November 25, 2018November 25, 2018 ஸ்பெல்கோ Comments(184)

பகிர்வுகள் 732

திமுக தலைவர் மு.க.ஸ்டாலின் நேற்று வெளியிட்ட அறிக்கையில் தெரிவ்த்த விவரம் பின் வருமாறு :

“முட்டை வழங்கும் தனியார் நிறுவனத்தில் நடைபெற்ற ரெய்டில் அமைச்சர்களுக்கும், அதிகாரிகளுக்கும் லஞ்சம் கொடுத்த கணக்குகள் ஆவண ஆதாரங்களாக வருமான வரித்துறையின் கையில் சிக்கியிருக்கின்றன என்றும் .,.

அதைவிட அபாயகரமானது என்னவென்றால் அரசாங்கத்தின் ரகசிய கோப்புகளும், அரசு ரகசியங்கள் அடங்கிய குறிப்புகளும் அந்த தனியார் முட்டை நிறுவனத்தில் இருந்து கைப்பற்றப்பட்டுள்ளன. லஞ்ச ஊழலுக்காக வஞ்சக எண்ணத்தோடு அரசு ரகசியத்தையே விற்பனை செய்த கேவலம் முதல்வர் எடப்பாடி பழனிசாமி ஆட்சியில் தான் நடைபெற்று தமிழகமே வெட்கித் தலை குனிந்து நிற்கிறது என்றும் .,.

இந்த ரகசியங்கள் அனைத்தும் அரசின் மூத்த அதிகாரிகளின் ஆதரவு மற்றும் துணையின்றி முட்டை நிறுவனத்திற்கு சென்றிருக்க வாய்ப்பில்லை என்றும் வெளிவந்துள்ள செய்தி பேரதிர்ச்சி அளிப்பதாக இருக்கிறது என்றும் .,

அதிமுக ஆட்சியில் முட்டை நிறுவனத்தில் நடைபெற்றது மட்டுமே முதல் வருமான வரித்துறை ரெய்டு அல்ல. இதற்கு முன்பு கரூர் அன்புநாதன், மணல் மாபியா சேகர் ரெட்டி, முன்னாள் தலைமைச் செயலாளர் ராம்மோகன் ராவ், சுகாதாரத்துறை அமைச்சர் விஜயபாஸ்கர், முதலமைச்சரின் துறையான நெடுஞ்சாலைத்துறை கான்டிராக்டர் செய்யாதுரை நாகராஜன், அமைச்சர் காமராஜின் உறவினர்கள் என்று பல்வேறு வருமான வரித்துறை ரெய்டுகள் நடைபெற்றுள்ளன என்றும் .,

குட்கா வழக்கில் வருமான வரித்துறையும், சி.பி.ஐ.யும் அடுத்தடுத்து சோதனைகள் நடத்தினாலும் “குட்கா” டைரியில் மாமூல் வாங்கியதாக பதிவுகள் இடம் பெற்றுள்ள அமைச்சர் விஜயபாஸ்கர் மீதோ, தமிழக டி.ஜி.பி. மீதோ இதுவரை குற்றப்பத்திரிகை தாக்கல் செய்யப்படவில்லை. அதிமுக அமைச்சர்களை மத்தியில் உள்ள பாஜ அரசு போர்த்திப் பாதுகாத்து வருகிறது என்றும் .,

ஊழல் ஒழிப்பில் பாஜ அரசின் “இரட்டை வேடம்” அதிமுக ஆட்சியில் நடைபெறும் சோதனைகளில் வெளியாகி நடுநிலையாளர்கள் மத்தியில் கவலையை ஏற்படுத்துகிறது என்றும் .,

ரூ.2400 கோடி ஊழலில் சம்பந்தப்பட்டுள்ள அதிமுக அமைச்சர்கள் மீது ஊழல் தடுப்புச் சட்டத்தின் கீழ் வழக்குப் பதிவு செய்து, உடனடியாக பதவி நீக்கம் செய்யப்பட வேண்டும் எனவும், இந்த ஊழலுக்கு துணை போன அதிகாரிகள் அனைவர் மீதும் கடும் நடவடிக்கை எடுக்கப்பட வேண்டும் எனவும் ,

“பள்ளிக் குழந்தைகளுக்கு சத்துணவு வழங்கும் திட்டத்திற்கான முட்டை, பருப்பு உள்ளிட்டவற்றை கொள்முதல் செய்ததில் ரூ.2400 கோடி வரை ஊழல் நடந்திருப்பதாக வருமான வரித்துறை சோதனைகளின் மூலம் வெளிச்சத்திற்கு வந்திருக்கும் “மெகா ஊழல்” அதிர்ச்சியளிக்கிறது என்றும்.,

ஆகவே தனியார் முட்டை நிறுவனத்திற்கு அரசாங்க ரகசியத்தை விற்று கொடுங் குற்றம் புரிந்திருக்கும் அதிகாரிகள் மற்றும் உடந்தையாக இருந்த அமைச்சர்கள் மீது தேசத் துரோக வழக்குப் பதிவு செய்து உடனடியாக கைது செய்ய வேண்டும் என்றும் தெரிவித்து இருக்கிறார்

ஸ்பெல்கோ

ஸ்பெஷல் கரெஸ்பாண்டெண்ட் சமூகத்தின் மேம்பாடு வேண்டி திறந்த மனதுடன் உண்மையை தேடி விரும்பும் எழுத்தாளர்களின் சங்கம கூடலே splco.me. இது சமூக வலைதளத்தின் எழுத்தாளர்களின் கன்னி முயற்சியின் தொகுப்பு.

தமிழ்நாடு மருத்துவம்

கொரோனாவை கட்டுப்படுத்த சென்னை மாநகராட்சியின் அதிரடி முடிவு; ஆதார் கட்டாயம்

June 4, 2020June 4, 2020 ஸ்பெல்கோ

பகிர்வுகள் 1,123 கொரோனாவை பரவலை கட்டுப்படுத்த அரசு, தனியார் ஆய்வகங்களில் கொரோனா பரிசோதனைக்கு ஆதார் கார்டு கட்டாயம் என சென்னை மாநகராட்சி அறிவித்துள்ளது கொரோனா பாதிப்பில் மகாராஷ்டிர மாநிலத்துக்கு அடுத்தபடியாக தமிழகம் உள்ளது. தமிழகத்தில் மட்டும் கொரோனாவால் 25,000க்கும் அதிகமானோர் பாதிக்கப்பட்டுள்ளனர். குறிப்பாக, சென்னையில் பாதிப்பு எண்ணிக்கை 18,000த்தை தாண்டியுள்ளது. இன்று மட்டும் 1,012 பேர் கொரோனாவால் சென்னையில் பாதிக்கப்பட்டுள்ளதாக சுகாதாரத்துறை அமைச்சகம் தெரிவித்துள்ளது. இதையடுத்து, சென்னை மாநகராட்சி வெளியிட்டுள்ள செய்திக் குறிப்பில், “சென்னையில் செயல்பட்டு வரும் மேலும் வாசிக்க …..