தமிழகத்தில் சார் பதிவாளர் அலுவலகங்களில் லஞ்ச ஒழிப்புத்துறை சோதனை நடத்தப்படுகிறதா என்று தமிழக அரசை கண்டிக்கும் விதத்தில் சென்னை உயர்நீதிமன்ற நீதிபதிகள் சரமாரியாக கேள்வி எழுப்பியுள்ளனர் .

கடந்த 10 ஆண்டுகளில் நடத்தப்பட்ட சோதனைகள் எத்தனை என்றும்,

சோதனையில் எத்தனை பேர் கைது செய்யப்பட்டுள்ளனர் என்றும்,

எத்தனை வழக்குகள் பதிவு செய்யப்பட்டுள்ளன என்றும் ,

நீதிபதிகள் கேள்வி மேல் கேள்வி எழுப்பியுள்ளனர். மேலும் டிசம்பர் 4-ம் தேதிக்குள் பதிலளிக்க தமிழக அரசுக்கும் மற்றும் டிஜிபி-க்கும் சென்னை உயர்நீதிமன்றம் உத்தரவிட்டுள்ளது.

ஊழலில் அதிகமாக திளைக்கும் துறையாக பத்திரப்பதிவுத்துறை உள்ளது என்றும் லஞ்சம் இல்லாமல் சார்-பதிவாளர் அலுவலகங்களில் எதுவும் நடக்காது என்ற நிலை உள்ளது என்றும் நீதிபதி கிருபாகரன் கூறியுள்ளார்.