இயக்குனர் வஸந்த் இயக்கத்தில் ஆசை, நேருக்கு நேர், ரிதம், சத்தம் போடாதே வரிசையில் தற்போது உருவாகியுள்ள படம் ‘சிவரஞ்சனியும் சில பெண்களும்’ .

பல்வேறு எழுத்தாளர்களின் கதைகளை அடிப்படையாகக் கொண்டு உருவாகி வரும் இப்படத்தில் பார்வதி, லட்சுமி பிரியா சந்திரமௌலி, காளிஸ்வரி ஸ்ரீநிவாசன், கருணாகரன், மயக்கம் என்ன சுந்தர், கார்த்திக் கிருஷ்ணா ஆகியோர் முக்கிய வேடங்களில் நடித்துள்ளனர்.

இந்த படம் மும்பை திரைப்பட விழா, 23வது கேரள சர்வதேச திரைப்பட விழா, பூனே சர்வதேச திரைப்பட விழா, சர்வதேச ஸ்வீடன் நாட்டு திரைப்பட விழா என பல்வேறு திரைப்பட விழாக்களில் தேர்வு செய்யப்பட்டு வெளியாகியுள்ளது. மேலும் சர்வதேச பெங்களூர் திரைப்பட விழாவில் வெளியாகி ஆசியாவின் சிறந்த திரைப்படமாக தேர்வு செய்யப்பட்டு விருது அளிக்கப்பட்டுள்ளது.

இந்நிலையில் இப்படத்திற்கு மேலும் கௌரவமாக அமெரிக்காவில் கலிபோர்னியா மாகாணத்தில் நடைபெற்ற சர்வதேச திபுரான் மற்றும் நியூயார்க் சர்வதேச திரைப்பட விழாவிலும் அதனைத் தொடர்ந்து அட்லாண்ட் மாகாணத்தின் திரைப்பட விழாவிலும், வஸந்தின் சிவரஞ்சனியும் இன்னும் சில பெண்களும் திரையிடப்பட்டு சிறந்த படமாக தேர்வு செய்யப்பட்டு விருது பெற்றுள்ளது.