இதையடுத்து கொறடா உத்தரவுக்கு எதிராக வாக்களித்த 11 பேரையும் தகுதி நீக்கம் செய்யக்கோரி சபாநாயகரிடம் மனு அளிக்கப்பட்டது. இந்த மனு மீது சபாநாயகர் நடவடிக்கை எடுக்காததால் திமுக கொறடா சக்கரபாணி சென்னை உயர் நீதிமன்றத்தில் வழக்கு தொடர்ந்தார். இந்த வழக்கை விசாரித்த உயர்நீதிமன்றம், சபாநாயகர் உத்தரவில் தலையிட முடியாது என்று கூறி வழக்கை தள்ளுபடி செய்தது.

இந்த தீர்ப்பை எதிர்த்து தி.மு.க. சார்பிலும், டி.டி.வி.தினகரன் சார்பிலும் உச்ச நீதிமன்றத்தில் மேல்முறையீடு செய்யப்பட்டது. இந்த மேல்முறையீட்டு மனு உச்ச நீதிமன்றத்தில் இன்று விசாரணைக்கு வந்தது. மனுவை விசாரித்த நீதிபதி ஏ.கே.சிக்ரி தலைமையிலான அமர்வு, துணை முதல்வர் ஒபிஎஸ் உள்ளிட்ட 11 எம்எல்ஏக்களுக்கு உச்சநீதிமன்றம் அனுப்பியுள்ளது. மேலும் சபாநாயகர் மற்றும் சட்டப்பேரவைச் செயலருக்கும் உச்சநீதிமன்றம் நோட்டீஸ் அனுப்பியுள்ளது.

அதில் 4 வாரங்களுக்குள் மனுதாரரின் குற்றச்சாட்டுகளுக்கு பதிலளிக்க வேண்டும் எனக் உத்தரவிட்டுள்ளது.

தொடர்பு செய்திகள் : அதிமுகவும் எடப்பாடியும் மறந்து போன ஜெயலலிதாவின் வீர உரை